Бул тууралуу Талас ОИИБдин басма сөз кызматы билдирди.
Маалыматка караганда, 1-июнь эл аралык балдарды коргоо күнүнө карата Талас ОИИБдин башчысынын орун басары милициянын полковниги Жаныбек Осмонбеков жана өздүк курам Талас шаарынын борбордук сейил багында балдардын майрамына карата бөбөктөрдү куттукташты.
“Анда балдарга атайын иш чара уюштуруп, ар кандай оюнчуктар жана балмуздактарды таратып, кызыктуу жана пайдалуу китептерди белекке беришти”, – деп айтылат маалыматта.
Салтка айланган бул иш-чара балдардын купулуна толуп, алардын жүзүнө жылмаюу тартуулады. Иш-чаранын максаты жаш жеткинчектердин маанайын көтөрүп, руханий адеп-ахлакка чакыруу жана милициянын аларга болгон камкордукту көрсөтүү.
