Республикалык иммунопрофилактика борборунун 2023-жылдын 3-апрелине карата маалыматы боюнча, Кыргызстанда кызамык жана кызылча оорусу катталууда. Бул тууралуу Саламаттык сактоо министрлигинен билдиришти.
Маалыматка ылайык, үстүбүздөгү жылдын башынан бери 41 кызамык жана 6 кызылча оорусу аныкталган. Аймактар боюнча: Бишкек шаары — 8, Жалал-Абад облусу — 2, Ош облусу — 20, Ош шаары — 7, Баткен облусу — 2, Чүй облусу — 2.
«Негизги себеп болуп балдарды жана чоңдорду кызамыкка жана кызылчага каршы пландуу иммунизациялоонун камтылышынын төмөндөшү саналат, өсүш профилактикалык эмдөөлөрдөн баш тарткандардын арасында болууда», — деп айтылат маалыматта.
Кыргызстандын аймагында кызамык жана кызылча оорусуна жол бербөө жана андан ары жайылтпоо максатында Саламаттык сактоо министрлиги тарабынан протоколдук тапшырманын тиешелүү чараларын көрүү менен оперативдүү штаб өткөрүлдү, ошондой эле кызамыкты локализациялоо боюнча штаб Ош облусунун саламаттык сактоо уюмдарында өткөрүлдү.
Дүйнөлүк саламаттыкты сактоо уюмунун маалыматы боюнча, COVID-19 пандемиясынан жана калктын профилактикалык эмдөөлөрүнүн азайышынан улам пайда болгон кызамык оорусунун жайылуу коркунучу 2023-жылдын 2-мартына карата Европа аймагында ооруга чалдыгуу коркунучу сакталууда. Оору төмөнкү өлкөлөрдө көбөйүүдө: Тажикстан – 513 учур, Түркияда – 286 учур, Россия – 233 учур, Казакстан – 75 учур, Британия – 56 учур.
Маалымат үчүн: Кызамык – бул вирус козгогон жугуштуу жугуштуу оору. Аталган инфекция жогорку сезгичтиги менен мүнөздөлөт. Башкача айтканда, мурда кызамык менен оорубаган жана эмдөөдөн өтпөгөн адам кызамык менен ооруган адам менен байланышта болсо, анын ооруп калуу ыктымалдыгы өтө жогору. Кызамык абадагы тамчылар аркылуу жугат. Инфекциянын булагы болуп кызамык менен ооруган бейтап саналат, ал инкубациялык мезгилдин акыркы эки күнүнөн исиркектердин төртүнчү күнүнө чейин башкаларга жугуучу болуп саналат.
Кызамыкты атайын дарылоо жок. Бирок, ооруну алдын алса болот, алдын алуунун натыйжалуу жолдорунун бири бул эмдөө.
Кыргызстанда профилактикалык эмдөө календарына ылайык, кызамыкка жана кызылчага каршы эмдөө балдар үчүн 1 жашта, ревакцинация — 6 жашта жүргүзүлөт.
