Бүгүн, 16-мартта Жогорку Кеңештин жыйынында депутат Надира Нарматова Ош облусунун башчысы Зиядин Жамалдиновду сынга алды.
Нарматова мурдагы жыйында депутаттар Ош облусунун башчысын сынга алгандан кийин ал журналисттерди чакырып, «алардын айтканын аткарбаганым үчүн сындап жатат» деп айтып, жалаа жаап жатканын билдирди.
«Ал мага жалаа жапканга акысы жок. Зиядин Исламовичти кызмат абылынан пайдаланган коррупционер деп ойлогоп жүргөм. Көрсө, жалганчы, аферсит экен. Мен колуман иш келип турганда, эмне үчүн андан суранам. Мен аны губернатор болгондо куттуктап барган да эмесмин. Мен Ноокаттан бир сантиметр жер сураганым жок. Эмнеге антип жалаа жабат?», — деди ал.
