Грек-рим күрөшү боюнча балбан Акжол Махмудов (77 кг) Dan Kolov-Nikola Petrov мелдешинде алтын медал тагынды.
Аталган мелдеш Болгариянын София шаарында өттү. Ал 2-мартта башталып, 5-мартта жыйынтыкталды.
Финалда Махмудов армениялык Малхас Амоян менен күрөшүп, беттеш 1:1 эсебинде аяктады. Акыркы болуп упайды Махмудов алгандыктан, жеңиш кыргызстандык балбан тарапта болду.
Грек-рим күрөшү боюнча балбан Жоламан Шаршенбеков (60 кг) Dan Kolov-Nikola Petrov мелдешинде алтын утту.
Шаршенбеков 4-мартта килем үстүнө чыгып, беттешти квалификациялык баскычтан баштаган.
Биринчи кармашында ал болгариялык балбан менен күрөшүп, аны бир мүнөткө жеткирбей 9:0 эсебинде жеңип алган.
Чейрек финалда Шаршенбеков америкалык балбанды 9:0 эсебинде мөөнөтүнөн мурда жеңген. Жарым финалдагы кармашта атаандашы ирандык балбан болуп, аны 10:2 эсебинде уткан.
Ал эми, финалдык беттеш 5-мартта болуп өттү. Шаршенбеков алтын байге үчүн польшалык балбан М. Тракз менен күч сынашты. Беттештин биринчи бөлүгүндө ал атаандашынын далысын жерге басып,
