«Ош сила» аттуу профессионалдык лотереяны лицензиясы жок уюштургандар аныкталды

     Тиешелүү лицензия албай туруп, Ош шаарынын жана Ош облусунун аймагында «Ош сила» аттуу профессионалдык лотерея ойнотушкандар аныкталды, - деп билдиришти УКМКдан.

     Маалыматка караганда, УКМКнын Ош шаары жана Ош облусу боюнча башкы башкармалыгы жүргүзгөн ыкчам-издөө иш-чараларынын алкагында, К.у.К. жана Б.М.А. аттуу Кыргыз Республикасынын жарандары «Лотереялар жөнүндө» Кыргыз Республикасынын Мыйзамынын талаптарын бузуу менен Ош шаарынын жана Ош облусунун аймагында тиешелүү лицензиясын албай туруп, «Ош сила» аталышындагы профессионалдык лотереяны уюштургандыгы аныкталды. Бул факты боюнча КР Кылмыш-жаза кодексинин 218-беренесинин 1-бөлүмү (Мыйзамсыз ишкердик кылуу) менен кылмыш иши козголгон.  
      "Тергөөнүн жүрүшүндө, жогорудагы адамдарга Кыргыз Республикасынын Экономика жана коммерция министрлигине караштуу Финансы рыногун жөнгө салуу жана көзөмөлдөө кызматынын түштүк башкармалыгы тарабынан мыйзамсыз иш-аракеттерди токтотуу боюнча бир нече жолу буйрук берилгендигин, бирок белгиленген көрсөтмөлөрдү эске албай, лотереяны уюштурууну уланткан.
      Өз кезегинде К.у.К. жана Б.М.А. лотереяга катышуу үчүн билеттерди саткан жана ал үчүн М-Банк тиркемеси аркылуу төлөм алган, ал эми лотереянын жүрүшү "YouTube" каналы аркылуу көрсөтүлгөн", - деп айтылат маалыматта.
      Уюштуруучулардын жашаган жерин тинтүү учурунда, лотерея ойноочу унаалардан лотерея барабандары, лотерея билеттери жана тергелип жаткан ишке тиешелүү башка буюмдар жана документтер алынган. 
      Учурда бул иш боюнча иштин бардык жагдайларын аныктоого багытталган тиешелүү тергөө-ыкчам иш-чаралары жүргүзүлүүдө.
WhatsApp Image 2023 03 03 at 07.37.19 «Ош сила» аттуу профессионалдык лотереяны лицензиясы жок уюштургандар аныкталды
WhatsApp Image 2023 03 03 at 07.37.18 «Ош сила» аттуу профессионалдык лотереяны лицензиясы жок уюштургандар аныкталды
WhatsApp Image 2023 03 03 at 07.37.16 «Ош сила» аттуу профессионалдык лотереяны лицензиясы жок уюштургандар аныкталды
WhatsApp Image 2023 03 03 at 07.37.17 «Ош сила» аттуу профессионалдык лотереяны лицензиясы жок уюштургандар аныкталды
WhatsApp Image 2023 03 03 at 07.37.17 1 «Ош сила» аттуу профессионалдык лотереяны лицензиясы жок уюштургандар аныкталды