Египеттин Александрия шаарында грек-рим, эркин жана кыз-келиндер күрөшү боюнча Ibrahim Moustafa мелдеши өтүүдө. Ал 23-февралда башталган, 26-февралда жыйынтыкталат.
Аталган мелдештин биринчи күнүндө килем үстүнө грек-рим күрөшү боюнча балбандар чыгып, кыргызстандык эки спортчу коло байге тагынды.
63 килограмм салмакта Сыймык Махмудов үчүнчү орун үчүн беттеште казакстандык балбан Мадияр Малтекбаевди 9:0 эсебинде жеңип алды.
Ал эми 67 килограмм салмакта Раззак Бейшекеев индиялык спортчу Ашу Ашуну 8:0 эсебинде утуп, коло тагынды.
Ошондой эле, Сардарбек Конушбаев (55 кг), Нурмухаммед Абдуллаев (60 кг), Атабек Азисбеков (87 кг) жана Роман Ким (130 кг) коло үчүн күрөшүп, бирок атаандаштарына жеңилди.
![whatsapp image 2023 02 24 at 10 06 28 Египеттеги мелдеште эки балбан коло байге жеңди](https://bulak.kg/wp-content/uploads/2023/02/whatsapp_image_2023-02-24_at_10_06_28.jpeg)