Бишкек шаарында алдамчылыкка шектелип 37 жаштагы жаран кармалды. Бул тууралуу Биринчи май райондук милициясынан билдиришти.
Маалыматка караганда, 18-февралда милицияга Ш.Ш. аттуу жаран кайрылып, быйыл январь айында Х. аттуу жаран, умрага (кичи ажылык) жөнөтөм деп убада кылып, 12 миң 150 долларын акчасын алып, алдап кеткенин билдирген.
Бул фактыга байлданыштуу Кылмыш-жаза кодексинин 209-беренеси (Алдамчылык) боюнча кылмыш иши козголгон.
Ыкчам-тергөө иштеринин натыйжасында, шектүү катары 37 жаштагы Р.Х. аттуу жаран кармалып, убактылуу кармоочу жайга камакка алынган.
Милиция шектүүнүн кылмыштуу аракеттеринен жабыр тарткан же кандайдыр бир маалыматы бар жарандарды 0(508) 11-11-12 же 0(709) 88-77-08 номерине кабар берүүсүн суранат.
