«Айкөл» гуманитардык миссиясынын алкагында Сириядагы жаңжал болуп жаткан аймактан Кыргызстандын жарандары болгон 18 аял жана 41 бала мекенине келишкен. Бул тууралуу Эмгек, социалдык коргоо жана миграция министрлигинин басма сөз кызматы билдирди.
Ведомстводон белгилегендей, келгендер бейпил жана коопсуз чөйрөдө жашоого көнүүгө жардам алуу үчүн реабилитациялык борборго жайгаштырылат.
«Репатриация тышкы иштер, саламаттыкты сактоо жана социалдык камсыздоо чөйрөсүндөгү мамлекеттик органдардын, укук коргоо органдарынын, Кыргыз Республикасынын Кувейттеги Элчилигинин жакшы координацияланган өз ара аракеттенүүсүнүн, ошондой эле Бириккен Улуттар Уюмунун Балдар уюмунун жана Фонд (ЮНИСЕФ) жана Эл аралык Кызыл Крест комитетинин колдоосу менен мүмкүн болду», – деп айтылат маалыматта.
