12-февралда «2022-жылдын мыкты журналисттик иликтөөсү» сынагынын жеңүүчүлөрү аныкталды.
Иликтөөчү журналисттер фонду жарыялаган конкурстун жыйынтыгында 1-орун «Temirov Live» медиасынын «Эки күндө 37 млн сомду кантип тапса болот? Ташиевдин схемасы. Садыр Жапаровдун жообу» аттуу иликтөөсү алды.
2-орун «Азаттыктын» журналисти Айбек Бийбосуновдун «Интернеттеги баңги бизнеси» аттуу иликтөөсүнө берилди.
3-орунга Bulak.kg басылмасынын «Ысык-Көл жээгинин каракчылары» аталышындагы иликтөөсү татыды.
Бул сыйлык 5-ирет тапшырылып жатат. Сынакка жалпы 64 эмгек келип түшкөн.
2022-жылдын мыкты журналисттик иликтөөсү үчүн Уланбек Эгизбаев атындагы сыйлыкты тапшыруу аземи Бишкекте 12-февралда өттү. Ал «Журналисттик иликтөөлөр» коомдук фонду тарабынан Кыргыз Республикасындагы Internews уюумунун TRACK долбоору менен биргеликте өткөрүлдү.
Сынактын максаты – өлкөдө журналисттик иликтөө жанрын өнүктүрүү, ошондой эле коррупциялык схемалардын жана мыйзамсыз көрүнүштөрдүн бетин ачууга, бөгөт коюуга журналисттердин кызыгуусун арттыруу болуп саналат.
