44 жаштагы Женнифер Цуй Америка Кошмо Штаттарынан Нарын районуна келген. Ал азыр ыктыярчы катары элеттеги балдарга англис тилин окутуп жатат.
Женнифер Кыргызстанга ушуну менен төртүнчү жолу келди, алгач 2006-жылы келген. Андан кийин ал кыргыз тилин үйрөнүп, Кыргызстанга келип окуучуларга сабак берүүнү кыялданган.
“Америкада биология сабагынан профессор болуп иштечүмүн. Бирок бул жакта азыр [Нарында] англис тили сабагынан мугалим болуп иштейм. Мен сабак окутканды аябай жакшы көрөм. Анан мугалим катары Кыргызстанга келгим келди. Себеби, мен Кыргызстанды аябай жакшы көрөм”, – дейт ал.
