23-30-январь аралыгында Дүйшөмбү шаарында тажик-өзбек биргелешкен демаркация комиссиясынын жумушчу топторунун кезектеги жыйыны өттү. Бул тууралуу Тажикстандын Тышкы иштер министрлигинин басма сөз кызматы билдирди.
Жолугушуунун жүрүшүндө тажик-өзбек мамлекеттик чек арасынын долбоордук демаркация сызыгынан өтүү маселелери, ошондой эле демаркациялык карталарды түзүүнүн технологиялык процесси талкууланды.
Мындан тышкары, сүйлөшүүлөрдүн алкагында тажик-өзбек мамлекеттик чек арасынын айрым участокторун жеринде изилдөө иштери жүргүзүлдү.
«Жолугушуу достук жана өз ара түшүнүшүү кырдаалында өттү. Иш-чаранын жыйынтыгында тиешелүү протоколго кол коюлду», — деп айтылат маалыматта.
Кийинки жолугушуу Өзбекстандын аймагында өтөт.
