Президент Садыр Жапаров 26-декабрда Россиянын Санкт-Петербург шаарына иш сапары менен барат. Бул тууралуу президенттин администрациянын тышкы саясат бөлүмүнүн башчысы Муратбек Азымбакиев билдирди.
Маалыматка караганда, Жапаров Көз карандысыз мамлекеттер шериктештигинине мүчө мамлекеттердин өлкө башчыларынын бейформал жолугушуусуна катышат.
Иш-чарага Беларусь президенти Александр Лукашенко, Азербайжандын президенти Ильхам Алиев, Армениянын премьер-министри Никол Пашинян, Казакстандын өлкө башчысы Касым-Жомарт Токаев, Россиянын президенти Владимир Путин, Тажикстандын президенти Эмомали Рахмон, Түркмөнстандын президенти Сердар Бердымухамедов жана Өзбекстандын президенти Шавкат Мирзиёевдин катышуусу күтүлүүдө.
