Кемпир-Абад маселеси боюнча камалып, абакта жаткан жарандык активист Атай Бейшенбек уулу президент Садыр Жапаровго Фейсбуктагы баракчасы аркылуу кайрылды.
![Абактагы Атай Бейшенбек Садыр Жапаровго кайрылды](https://bulak.kg/wp-content/uploads/2022/12/800x800x321152771_1490745628000732_617240268230706953_n.jpg.pagespeed.ic_.jNlYCsKFJa.webp)
Ал өзүнүн адвокаты аркылуу кат жазып, аны адвокаты Фейсбуктагы баракчасына жазып жатат. Кайрылуусунда үч маселеге токтолуп кеткен.
«Садыр Жапаровдун Кемпир-Абад иши боюнча берген маегинен кийин , үч маселеге токтолоюн :
1) Курултайда дагы , 17–декабрда дагы маекте Садыр Жапаров:
«Мен аларды кыйнап, колдорунан жетелеп барып ошол жыйынга (Casa Italia ) катыштырыптырмынбы!»-деди.
А катышпагандарчы , алтургай, комитет мүчөсү болбогон мени эмне камадынар?
2) Маегиңизде биздин бир катабыз — башынан ачык талкуу кылбаганыбыз деп моюнга алыпсыз , ырахмат!
Мен дал ошол талапта башынан туруп, бийлик өткөргөн жашыруун жыйындарга катышкан эмесмин! Элге ачык айткыла дегеним үчүн камадыңар!
3) Соттук териштирүүлөрдү эми жабык кылып , же ММКлардын катышуусун чектебей УТРКдан түз алып бериңиздер, эл көрсүн, талдасын!
Баары ачык болсун, жашырбагыла!»— деген.