Эл аралык террордук уюмдун мүчөсү болгон Кыргызстандын жараны өлкөгө кайтып келгенде кармалды. Бул тууралуу УКМКнын басма сөз кызматы билдирди.
Маалыматка ылайык, шектүү Ю.А.Р. 2009-жылы чет өлкөгө чыгып, «ИДУ» эл аралык террордук уюмунун мүчөсү болгон. 2015-жылы согуштук аракеттерге катышуу максатында Сирияга кеткен.
Бул факт боюнча КР Кылмыш-жаза кодексинин 3 беренеси менен кылмыш иши козголгон.
Шектүүнү Ош шаардык соту 1 айга убактылуу камакта калтырды. Тергөө уланып жатат.
