Нарын шаарындагы Т.Усубалиев атындагы борбордук аянтында саптык кароо болду

Бүгүн, 29-август күнү Нарын шаарындагы Т.Усубалиев атындагы борбордук аянтында Нарын ОИИБнин начальниги милициянын полковниги А.Жумабековдун катышуусу менен саптык кароо өткөрүлдү.

Иш-чарада Кыргыз Республикасынын ИИМнин жана Нарын ОИИБнин буйруктары окулуп, майрамдык иш-чараларда коомдук коопсуздукту, жарандардын коопсуздугун камсыз кылуу максатында тапшырмалар берилип, милдеттенмелер коюлду.

Өз сөзүндө Алмазбек Жумабек 31-август Кыргыз Республикасынын Эгемендүүлүгүн 31 жылдыгы менен өздүк курамды куттуктап,бул улуу күн Кыргыз элинин азаттыкты сүйгөндүгүн, эркиндикти баалагандыгын, көз карандысыздыкты бийик тутаарын жана айкөлдүгүн даңазалап келгендигин баса белгилеп,өлкөбүздө өнүгүү болуп, жергебизде тынчтык, элибизде ынтымак,биримдик болуусун каалап өттү.
Майрамдык иш-чарага карата өздүк курамга саптык кароо өткөрүлүп, кызматтык автоунаалардын техникалык абалдары текшерилди.

Белгилей кетсек майрам күндөрү 500 гө жакын милиция кызматкерлери күчөтүлгөн тартипте иш алып барышат.

Нарын ОИИБдин басма сөз кызматы