Бишкектеги «Азия Молл» соода борборунда жарандар тышка чыгарылып, имарат курчоого алынды. Бул тууралуу күбөлөр кабарлады.
Ленин райондук ички иштер башкармалыгынын басма сөз кызматы билдиргендей, бүгүн, 11-август саат 13:56 чамасында милицияга соода түйүндө жарылуучу зат коюлганы тууралуу маалымат түшкөн.
«Айтылган дарекке ыкчам топ жөнөтүлдү. Имарат курчоого алынып, тиешелүү адистер иштеп жатышат»,-деп айтылат маалыматта.