Болот Темиров аскердик билетин “уурдап алган” деген адам анын аскердик билетин эч ким уурдабаганын жар салды

0
125

Иликтөөчү журналист Болот Темиров аскердик билетти “уурдап алган” деген адам анын аскердик билетин уурдабаганын айтты. Бул тууралуу Болот Темиров өзү Телеграм каналына билдирди.

«Биринчи бул ишти УКМКнын 5-чи кызматы иликтеген. Ал кызмат оппозиция жана бийликке каршы чыккандарды жок кылуу боюнча иш алып барат. Кийин алар ИИМге менин ишимди жүктөп коюшту. Баары документ жана дата боюнча да туура келбей жатат. Мен аскердик билетин уурдап алды деген адам анын билетин эч ким уурдабаганын айтууда», – деди ал.

Адвокат Замир Жоошев фейсбуке баракчасында билдиргендей, Аскер комиссариаты Болот Темировдун ишин тергеп жаткандарга уурдалган делген аскердик билет 28-августта 2001-жылы Керимбеков Адылбек Каныбековичке берилгенин жана ал альтернативалык кызмат өтөгөнү тууралуу маалымат беришкен.

«Учурда Россиядагы Адылбек Керимбеков күбө катары суралган. Анда ал эч кандай альтернативалык өтпөгөнүн айткан. Ал Кой-Ташта 2001-жылдын 6-декабрдан тартып 2002-жылга чейин өтөгөнүн айткан», –деп билдирди жактоочу Замир Жоошев.

ОЙ ПИКИР КАЛТЫРУУ

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.