Айт намаз 2-май күнү Бишкектеги эски аянтта таңкы саат 06:00дө башталат. Бул тууралуу муфтияттын басма сөз кызматы кабарлады.
Айт намаздын программасы:
- 06:00-07:00 — Дин аалымдарынын баяндамалары;
- 07:00-07:20 — Муфтийдин куттуктоосу жана баяндамасы;
- 07:20-07:30 — Куттуктоолор;
- 07:30 — Айт намаз.
Белгилей кетсек, эски аянтта 2020-жылга чейин Орозо айт жана Курман айт намаздары миңдеген кишинин катышуусунда окулуп келген. COVID-19 илдетинен улам 2020-жылы жапырт намаз окууга тыюу салынган. Быйыл Орозо айт 2-майга туш келет.
