Болот Темировго козголгон 4 кылмыш иши бир өндүрүшкө бириктилди, – Алтаир Исмаилов

0
23

Милиция Temirov LIVE каналынын негиздөөчүсү, иликтөөчү журналист Болот Темировго козголгон төрт кылмыш иши бир өндүрүшкө бириктирилгенин, тергөө аяктаганын билдирди. Ички иштер министрлигинин Тергөө кызматынын башчысы Алтаир Исмаилов 26-апрелде басма сөз жыйынында материалдар Башкы прокуратурага өткөрүлүп берилгенин маалымдады.

«Болот Темиров 16 жашында, 1996-жылы Орусиянын паспортун алган. Журналист чоочун адамдын аскер билетин пайдалануу менен 2008-жылы кыргыз паспортун алган. Негизи биздин мыйзамдар боюнча президентке кайрылуусу керек болчу. Бүгүнкү күндө козголгон 4 кылмыш иши бир өндүрүшкө бириктилди. Башкы прокуратура карап, сотко жөнөтүлөт»,-деди Исмаилов.

Мунун алдында Болот Темиров мындай дооматтарды четке кагып, Курманбек Бакиев президент болуп турганда анын катчылыгында иштеп жүргөндө анын документтери тыкыр текшерилгенин айткан.

Президент Садыр Жапаров 25-апрелде «Кабар» маалымат агенттигине курган маегинде журналисти «жасалма документтердин негизинде паспорт алган» деп айыптаган.

ОЙ ПИКИР КАЛТЫРУУ

Please enter your comment!
Please enter your name here
This site is protected by reCAPTCHA and the Google Privacy Policy and Terms of Service apply.