Түндүк-түштүк альтернативдүү автожолунун 340-чакырымында көчкү басып калган А.К. аттуу жарандын сөөгү табылды. Бул тууралуу бүгүн, 26-февралда Өзгөчө кырдаалдар министрлиги билдирди.
24 жаштагы маркумду туугандары менен куткаруу кызматы 14-февралдан бери издеп жатышкан. Куткаруучулар аны өзү айдап жүргөн жүктөгүч техникасынын ичинен табышкан.
Эскерте кетсек, 14-февраль күнү Балыкчы-Казарман-Жалал-Абад түндүк-түштүк альтернативдик унаа жолунунун 332 жана 338-чакырымдарында (Көк-Арт ашуусу) кар көчкү түшүп, жол куруу ишин жүргүзүп жаткан «Чайна Роуд» ишканасынын 4 кызматкерин унаалары менен басып калган. Учурда калган 3 кытай жаранын издөө жана унаа жолду тазалоо иш-чаралары уланууда.
//www.facebook.com/watch/?v=485716746221925&t=8
https://fb.watch/bpIenWMPle/