Ысык-Көл облусунун Чолпон-Ата шаарында 15 жаштагы өспүрүм чөгүп кетти. Бул тууралуу облустук ИИБден билдиришти.
Милициянын маалыматы боюнча, кырсык тууралуу билдирүү Ысык-Көл районунун ИИБдин нөөмөт бөлүмүнө 12-июлда түшкөн. Окуя болгон жерге ыкчам-тергөө тобу барган.
Текшерүүнүн жүрүшүндө каза болгон бала 15 жаштагы өспүрүм экени аныкталган.
Соттук-медициналык экспертиза дайындалды. Факты боюнча тергөөгө чейинки текшерүү иштери жүрүп жатат.
Ысык-Көл облустук ИИБ жарандарды, өзгөчө ата-энелердин, өспүрүмдөрдү суу жээгинде кароосуз калтырбоого жана көлдө эс алуу учурунда коопсуздук эрежелерин так сактоого чакырат.
