Ош шаарынын мэри Жеңишбек Токторбаев Озгур айылындагы бир үй-бүлөгө мал сатып алуу үчүн 200 миң сом насыя берди. Бул тууралуу муниципалитеттин басма сөз кызматы билдирди.
Маалыматка ылайык, бир күн мурун мэр таңкы рейд учурунда 13 жаштагы балага жолуккан. Жакында эле ата-энеси жалгыз койлорун сатып жибергенин айткан. Муну уккан Жеңишбек Токторбаев бул үй-бүлөгө бир саан уй жана беш кой алуу үчүн акча берерин билдирди.
Бүгүн, 2-апрелде аткаминер убада кылынган акчаны күзүндө кайтарып берүү шарты менен үй-бүлөгө тапшырды. Бирок бала төлөмдү жазга чейин жылдырууну суранган. Мэр макул болду.
