Жогорку Кеңеште “Ата Журт Кыргызстан” партиясынан жаңы депутат Гүлсүнкан Жунушалиева ант берди.

Ал мандатын тапшырган Гүлшаркан Култаеванын ордуна келди.

Гүлсүнкан Жунушалиева 1969-жылы 16-июлда Нарын облусунун Кочкор районуна караштуу Кочкор айылында туулган.

1992-жылы Томск мамлекеттик университетинин философия факультетин бүтүргөн.

1992-1998-жылдары – Касым Тыныстанов атындагы Ысык-Көл мамлекеттик университетинде окутуучу (Каракол);

1998-жылдан азыркыга чейин – Иса Ахунбаев атындагы Кыргыз мамлекеттик медициналык академиясынын философия кафедрасынын окутуучусу;

2021-жылдан азыркыга чейин КММАнын мамлекеттик тил жана тарбия иштери боюнча проректору.

7-чакырылыштагы Жогорку Кеңештин депутаттыгына талапкерлигин койгон.