Кыргыз футбол биримдигинин президенти Камчыбек Ташиев Испаниянын Барселона шаарына барып, Кыргызстандын U-20 жаштар курамасынын «Барселона» футбол клубунун жаштар курамына каршы беттешке болгон даярдыгын текшерип, колдоо көрсөттү. Бул тууралуу Кыргызстандын футбол биримдиги соцтармактарда билдирди.
Камчыбек Ташиев машыгуулардан кийин оюнчуларга өзү Кыргызстандан ала барган чучукту кесип берип, алар менен биргеликте тамактанган.
Бүгүн, 27-январда Кыргызстандын жаштар курама командасы(U-20) Барселонанын бүтүрүүчүлөрү менен беттешет. Бул 2025-жылдын 6-февралынан 23-февралына чейин Кытайда өтө турган Азия кубогуна даярдыктын маанилүү этабы болот. Учурда Кыргызстандын жаштар курамасы чет өлкөдө бир айлык окуу-машыгуу жыйынын өткөрүүдө. Алар испаниялык Арихуэль, Картахена жана UCAM Мурсия клубдарын утуп, бирок AFEге утулуп калган