Кыргызстандын грек-рим курама командасынын мүчөсү Жоламан Шаршенбеков Париждеги Олимпиада оюндарынын коло медалына ээ болду.
Кыргыз балбаны 1/8 финалдык беттеште казакстандык Айдос Султангалини 6:3 эсебинде уткан. 1/4 финалдык беттеште румыниялык Разван Арнаутты 9:0 эсебинде жеңген.
Жарым финалдык беттеште Шаршенбеков Кеничиро Фумита менен кез келип, 4:3 эсебинде жеңилип калган.
6-августта Жоламан Шаршенбеков коло медаль үчүн ирандык Мехди Мохсеннежадты 3:1 эсебинде утуп 3-орунду ээледи.
Муну менен ал Кыргызстан үчүн Олимп оюндарындагы алгачкы медалды камсыздады.