Данияр Сатаров Чолпон-Ата шаарынын мэри болуп дайындалды. Бул тууралуу президенттин Ысык-Көл облусундагы өкүлчүлүгүнүн басма сөз кызматынан маалымдашты.
Бүгүн, 23-июлда жаңы мэр муниципалитеттин жамаатына жана активине тааныштырылды.
Сатаров 1988-жылы 11-майда Түп районунун Талды-Суу айылында туулган.
Касым Тыныстанов атындагы Ысык-Көл мамлекеттик университетинде англис тили мугалими адистиги боюнча билим алган.
Буга чейин райондук администрацияларда ар кыл кызматтарды аркалаган.