Парламенттин Конституциялык мыйзамдар, мамлекеттик түзүлүш, сот — укук маселелери жана Жогорку Кеңештин Регламенти боюнча комитетинин бүгүн, 4-июндагы жыйынында башкы прокурорун кызмат ордунан бошотууга макулдук берүү жөнүндө маселе каралып, жактырылды.
Комитет жыйынына Курманкул Зулушев өзү келген жок. Маселе эми Жогорку Кеңештин жалпы жыйынында каралат.
Президенттин жана министрлер кабинетинин Жогорку Кеңештеги туруктуу өкүлү Алмасбек Абытов башкы прокурор Курманкул Зулушевди берген арызынын негизинде ээлеген кызматынан бошотуу жөнүндө президенттин сунуштамасын тааныштырды.