Бишкекте уурулук жасоого шектелип 27 жаштагы жаран кармалды. Бул тууралуу Ленин райондук милициясынан маалымдашты.
Билдирүүгө ылайык, 14-августта милицияга Б.А. аттуу жаран кайрылып, Турусбеков көчөсүндөгү үйдөн Д. аттуу чала тааныш аял 468 доллар акчасын жана iPhone 11 Pro телефонун уурдап кеткенин билдирген.
Аталган фактыга байланыштуу Кылмыш-жаза кодексинин 205-беренеси (уурдоо) боюнча кылмыш иши козголгон.
«Ыкчам-тергөө иштеринин натыйжасында шектүү катары 27 жаштагы К.Д. аттуу шектүү кармалып, убактылуу кармоочу жайга камакка алынган», — деп айтылат маалыматта.
