Бул туурасында Талас ОИИБдин басма сөз кызматы билдирет.
Талас облусунун Айтматов районунун Кызыл-Адыр айылында жума сайын мал базар иштеп, чоң ярмарка болот. Учурда элдер массалык түрдө балдарын мектепке даярдап, базарларда элдин кыймылынын көптүгү күч алууда.
Айтматов РИИБдин коомдук коопсуздукту камсыздоо бөлүмүнүн кызматкерлери тарабынан алдын алуу иштерин күчөтүүдө. Алар чөнтөк уурулукка жол бербей, топторго бөлүнүп, базардын ар бир аймагына бөлүнүп иш алып барууда. Ишкерлерге акча каражаттарына сак болуп, шектүү жарандар болсо, дароо милицияга билдирүүсүн эскертишти. Андан тышкары, коюлган видео байкоочу камераларды текшерип, аларды көбөйтүү максатында жергиликтүү бийлик жана ишкерлерге кайрылууда. Мал уурулук кылмыштарын алдын алуу үчүн ар бир мал алып саткан жарандар менен түшүндүрүү иштерин жүргүзүштү.
Тийиштүү уруксат кагаздары керектигин айтып, талапка жооп бере тургандай тартипти талап кылышууда.
