Жалал-Абад шаарында үч кабаттан турган заманбап инновациялык технологиялар борбору курулуп жатат. Бул тууралуу Жалал-Абад шаардык мэриясынан билдиришти.
Курулуш Жалал-Абад шаарын өнүктүрүүгө республикалык бюджеттен бөлүнгөн 2 млрд. сомдун эсебинен курулууда.
Долбоордун баасы 64 млн. 500 миң сомду түзөт.
IT борборду “Иверия” жоопкерчилиги чектелген коому куруп жатат. Курулуш иштери ушул жылдын ноябрь айында бүтөт.
Белгилеп кетсек, Жалал-Абад шаарында курулуп жаткан IT борбор Кыргызстандагы алгачкы мамлекеттик инновациялык технологиялар борбору болмокчу.