Бул тууралуу облустук милиция маалымдады.
Маалыматта, Талас РИИБдин жана Манас РИИБдин кызматкерлери айыл чарба башкармалыгы, чек ара кызматы жана Талас областынын прокуратурасы менен биргеликте, айыл аймактарында жапайы өскөн кара куурай өсүмдүктөрдү жок кылуу иш-чарасын өткөрүшкөнү айтылат.
“Манас районунун аймагында 1,6 тонна, ал эми Талас районунун 1,5 тонна, жалпы 2 га кара-курай өсүмдүгү өрттөлүп жок кылынган. Жыл башынан областтын аймагында баңгизаттарга байланышкан 22 факт аныкталып, 8 фактынын бети ачылган. Азыркы учурда областтын бардык бөлүмдөрүндө жана аймактарда баңги заттарды мыйзамсыз жүгүртүүгө каршы күрөшүү багытында иштер жүргүзүлүп жатат”, – деп айтылат маалыматта.
