Чүйдүн Кемин районунун Орловка шаарында эки киши көлмөгө чөгүп кетип, биринин сөөгү табыла элек. Бул тууралуу Өзгөчө кырдаалдар министрлигинен билдиришти.
Маалым болгондой, ӨКМге 1991-жылы туулган 2 жаран 9-июнда кечинде көлмөгө эс алууга барып, сууга чөгүп кеткени тууралуу маалымат түшкөн.
10-июнь күнү саат 10:50дө суучулдар А.Ж. уулу аттуу жарандын сөөгүн суудан алып чыгып, ИИМ кызматкерлерине өткөрүп беришкен.
Бүгүн сууга чөккөн экинчи К.А. аттуу жаранды издөө иштери жүрүүдө.
Издөө иштерине 3 суучул, 2 куткаруучу, 2 милиция кызматкери жана сууга чөккөн жарандын туугандары тартылган.
