Кыргызстандын тышкы иштер министри Жээнбек Кулубаев Монголияга расмий сапары менен барды. Бул тууралуу аталган министрликтен билдиришти.
Расмий сапардын алкагында Кулубаев Монголиянын тышкы иштер министри Батмунхийн Батцэцэг жана президент Ухнаагийн Хурелсух менен жолугушуусу пландалган.
Кыргызстандын делегациясынын курамында айыл чарба министри Аскарбек Жаныбеков, экономика министринин орун басары Искендер Асылкулов, Мамлекеттик салык кызматынын төрагасы Алтынбек Абдувапов бар.
Кулубаев Монголияга Батмунхийн Батцэцэгдин чакыруусу менен барган.
