Активист Татьяна Медведеваны милиция кармап кеткенин «Каршылык» уюму кабарлады. Ал 1-майда боло турчу пикетке байланыштуу кармалышы мүмкүн. Буга чейин уюм пикет өткөрүлөрүн билдирген болчу.
«Каршылыктын» маалыматына ылайык, Медведева борбор калаанын Биринчи май РИИБге жеткирилген.
«Биздин “Каршылык” жаш оппозициялык уюмубуз 1-майда пикет өткөрүлө турганын жарыялаган болчу. Анда өлкөдө айлык акы көтөрүлсүн, иш жана окуу ордунда ыдык токтотулсун деген негизги талаптар айтылмак. Тек гана ушундан улам уюмдун үзөңгүлөшүнө бийлик тараптан басым-кысым болуп жатат», — деп билдиришти уюмдагылар.
Милиция маалымат такталып жатканын билдирди.