Кыргызстандык Акжол Махмудов Казакстанда өтүп жаткан күрөш боюнча Азия чемпионатында финалга чыкты.
Турнир 9-апрелде Астанада башталган.
Махмудов 77 килограммга чейинки салмак ченинде күч сынашып, 1/4 финалдан баштап, түркмөнстандык балбанды жеңип алды.
Жарым финалда кыргызстандык балбан жапониялык спортчуну жеңип, финалга чыгып, анын атаандашы ирандык балбан болмокчу.
Атабек Азисбеков (87 кг чейин) жарым финалда казакстандыкка утулуп, эми коло үчүн күрөшөт. Роман Ким (130 кг чейин) да 3-орун үчүн күрөшөт.
Сардарбек Конушбаев (55 килограммга чейин) менен Дастан Кадыров (63 килограммга чейин) стартта жеңилип, медалдар үчүн күрөштөн чыгып калышты.
