Бул тууралуу ИИМдин басма сөз кызматы билдирди.
Маалыматка караганда, Ош шаары жана Ош областы боюнча ИИМдин БМЖКККнын кызматкерлери баңги каражаттарын мыйзамсыз сатуу каналдарын токтотуу жана бөгөт коюу боюнча иш-чараларды өткөрүүдө гашиш тараткан жарандарды аныкташкан.
“Ыкчам-тергөө иш-чараларынын натыйжасында Ош облусунун Кара-Суу районунун 24 жаштагы Т.Ф. жана 25 жаштагы А.С. баңги аткезчилеринин инсандары аныкталды. Ыкчам кызматкерлер 1 кг 435 грамм салмактагы «гашиш» (чарс) баңги каражатын сатууда шектүүлөрдү кармашкан.
Аталган факт, Кыргыз Республикасынын Кылмыш-жаза кодексинин 282-беренеси (баңги каражаттарын, психотроптук заттарды жана алардын аналогдорун сатуу максатында мыйзамсыз даярдоо) боюнча кылмыш иши козголгон.
Кыргыз Республикасынын ЖПКнын 96-беренесинин негизинде Т.Ф. жана А.С. кармалгандар Жалал-Абад шаарынын ИИБнын УКЖга киргизилди”, – деп айтылат маалыматта.
Азыркы учурда, Кыргыз Республикасынын ИИМдин Ош шаары жана Ош облусу боюнча БМЖККК тарабынан бул кылмышка тиешеси бар бардык адамдарды аныктоо боюнча ыкчам-издөө иш-чаралары жүргүзүлүүдө.
![WhatsApp Image 2023 03 16 at 12.38.57 Жалал-Абадда гашиш сатууга аракет кылган жарандар кармалды](https://bulak.kg/wp-content/uploads/2023/03/WhatsApp-Image-2023-03-16-at-12.38.57.jpeg)
![WhatsApp Image 2023 03 16 at 12.38.56 Жалал-Абадда гашиш сатууга аракет кылган жарандар кармалды](https://bulak.kg/wp-content/uploads/2023/03/WhatsApp-Image-2023-03-16-at-12.38.56.jpeg)
![WhatsApp Image 2023 03 16 at 12.38.57 1 Жалал-Абадда гашиш сатууга аракет кылган жарандар кармалды](https://bulak.kg/wp-content/uploads/2023/03/WhatsApp-Image-2023-03-16-at-12.38.57-1.jpeg)