Бул туурасында башкы көзөмөл органы маалымат берди.
Маалыматка ылайык, УКМК тарабынан диний-экстремисттик уюмдардын ишмердүүлүгүн алдын алууга жана бөгөт коюуга багытталган алдын алуу профилактикалык иш-чаралардын жүрүшүндө Чүй облусунун тургундары “С.Н.С.” жана “Д.Д.К.” өздөрүнүн экстремисттик идеяларынан баш тартышкандыгы тууралуу айтылат.
“С.Н.С.” 2018-жылы жана “Д.Д.К.” 2021-жылы “Хизбут-Тахрир аль-Ислами” ДЭУнун катарына тартылып, алар тыюу салынган экстремисттик уюмдардын идеологиясын пропагандалоо жана жайылтуу менен алектенип келишкен.
“УКМК жарандарды сак болууга жана Кыргыз Республикасынын аймагында мыйзам тарабынан тыюу салынган ар кандай салттуу эмес диний агымдардын таасирине алданбоого чакырат”, – деп айтылат билдирүүдө.
