Эл аралык Freedom House бейөкмөт уюму 2023-жылдагы дүйнөдөгү эркиндик боюнча жылдык баяндамасын жарыялады. Анда Кыргызстан үчүнчү жыл катары менен “эркин эмес өлкөлөрдүн” категориясына кирди.
Уюм өз баяндамасында өткөн жылдагы кырдаалга баа берет, башкача айтканда, “Дүйнөдөгү эркиндик – 2023” баяндамасында 2022-жылга карата айтылган.
Саясий укуктар боюнча Кыргызстан былтыр 40 баллдан 4 упай, жарандык эркиндиктин деңгээли 60 баллдан 23 балл алган. Ошол эле учурда Кыргызстан, Freedom House уюмунун маалыматы боюнча, “жарым-жартылай эркин интернети” бар өлкө.
Маалыматта орус бийлигинин маалымат каражаттарын басуу боюнча ушундай тактикасы Борбор Азия өлкөлөрүнө да өтүп кеткени айтылат. Freedom House Кыргызстанда маалымат каражаттарына кысым күчөп жатканын белгилеп, иликтөөчү журналист Болот Темировдун өлкөдөн чыгарылышын мисал келтирди.