Мурдагы президент Аскар Акаев «Азаттыкка» маек куруп, экс-президенттердин Дубайда өткөн жыйыны тууралуу комментарий берди.
Анын айтымында, Алмазбек Атамбаев жолугушуунун аягына чейин отурган.
«Бардык президент, ошонун ичинде Атамбаев эң акырына чейин отуруп, ар бири өзүнүн сөзүндө Садыр Жапаровдун демилгесин колдоп, бардыгы “элибиздин ынтымакта, биримдикте, стабилдүүлүктө келечекке жакшы саамалыктарды жаратканга эки колубуз менен даярбыз” деп колдоп берген»,-деди ал.
Буга чейин Атамбаев жолугушууга толук катышпай, коштошпой кетип калганын билдирген.
