Жогорку Кеңештин депутаты Жаныбек Кыдыкбаев “Кыргыз Республикасынын мамлекеттик сыйлыктары жана ардак наамдары жөнүндө” мыйзамга өзгөртүү киргизүүнү сунуштап жатат. Бул тууралуу 24KG агенттиги жазды.
Долбоор коомдук талкууга коюлду. Демилгечи энелерди орден жана медалдар менен сыйлоо боюнча норманы толуктоо зарыл деп эсептейт. Анын айтымында, экологиялык абал, социалдык-экономикалык абал начарлап, кырсыктар көбөйдү.
Бул жагдай балдардын күтүлбөгөн жерден ооруп каза болушунун, кырсыктын кесепетинен жаракат алгандардын көбөйүшүнө таасирин тийгизүүдө.
Жаныбек Кыдыкбаев балдары кырсыктан каза болгон, оорунун кесепетинен каза болгон же каза болгон энелерди «Баатыр эне» ордени жана «Эне даңкы» медалдары менен сыйлаш керектигин жактайт. Мыйзамдын азыркы редакциясына ылайык, бул сыйлыктар көп балалуу энелерге гана ыйгарылат.
