Кыргызстанда Бишкек – Ош жана Суусамыр – Талас –Тараз жолдорунун айрым чакырымдарында кар көчкүнү атып түшүрүү иштери жүргүзүлөт.
Бул тууралуу Өзгөчө кырдаалдар министрлиги билдирди.
Маалыматка караганда, кар көчкүнү атып түшүрүү иштери 13-январдан 19-январга чейин Бишкек – Ош автоунаа жолунун 121-135, 198-255-чакырымдарында жана Суусамыр – Талас – Тараз жолунунун 1-14-чакырымдарында жүргүзүлөт.
13-январда аталган иштер Бишкек – Ош жолунун 132-135-чакырымындагы Төө-Ашууда жана 198-чакырымында, Суусамыр – Талас –Тараз жолунда жүрөт.
Тоо баштарынан көчкүлөрдү атып түшүрүү учурунда унаа каттамдары маал-маалы менен жабылып турат.
Кар көчкүнү атып түшүрүү иштери боюнча кийинчерээк кошумча маалымат берилет.
