Депутат Өмүрбек Бакиров УКМКга сурак берүү үчүн барды. Бул маалыматты Kaktus.media редакциясына булактар тастыкташты.
Маалым болгондой, депутат суракка саат 18:00дө келип, ал жерде бир жарым сааттай убакыт өткөргөн. Сурактын чоо-жайы айтылган жок. Бирок, булактардын маалыматына ылайык, депутаттан анын ишмердүүлүгү тууралуу сурашкан. Тагыраагы ал акыркы убакта кайда жүргөнү, кимдер менен жолуккандыгы жана эмне менен алектенгени тууралуу сурашкан.
