Алессандро Сафина концерт берүүдөн баш тартты

Бишкекте, бүгүн, 8-декабрда италиялык белгилүү ырчы Алессандро Сафина ырдайт болчу.

Тилекке каршы, ал сахнага чыгып келген коноктордон жана күйөрмандардан кечирим сурап, бир эле ыр ырдап берип, кетип калды.

Ырчы уюштуруучулар ага төлөп бербегени үчүн ырдоодон баш тартканын айтты.

Билеттин баасы жогору болгондуктан, концертке келгендер арыз жазышмакчы болду.

Алдыңкы орундардагы билеттин баасы 13 000 сомду чапчыган.