Чет өлкөдө издөөдө жүргөн жаран Баткенден кармалды. Бул тууралуу Баткен ОИИБдин басма сөз кызматынан билдиришти.
Маалыматка ылайык, 2022-жылдын 2-декабрынан бери алдын ала бүтүм боюнча башка бирөөнүн мүлкүн жашыруун уурдоо фактысы менен издөөдө жүргөн Россия Федерациясынын 26 жаштагы тургуну К.Л. Баткен ОИИБдин кылмыш иликтөө бөлүмүнүн ыкчам кызматкерлери тарабынан 7-декабрь күнү Баткен облусунун аймагынан аныкталып, кармалды.
Азыркы күндө кармалган жаран убактылуу кармоо жайына киргизилип, тиешелүү иш кагаздары толтурулуп, экстрадицялоо жагы каралып жатат.
