Жалал-Абад облусунун Токтогул районунда сел жүрдү. Бул тууралуу Өзгөчө кырдаалдар министрлигинин басма сөз кызматы билдирет.
Маалыматка ылайык, кечээ, 3-август күнү саат 18:30 чамасында жааган жамгырдын кесепетинен Буркан айылына баруучу ички чарбалык унаа жолунда сел жүрүп, унаалардын өтүүсүнө кыйынчылык жараткан.
Жерине бир грейдер тартылып, кеч киргендигине байланыштуу тазалоо иштери убактылуу токтотулган. Бүгүн тазалоо иштери улантылат.
Учурда унаа жолу ачык.
