9-кабаттан кулаган окуучу каза болду

Бишкек шаарында 9-кабаттан кулаган окуучу каза болду. Маалыматты Октябрь РИИБдин басма сөз кызматы тастыктады.

Маалыматка ылайык, окуя 18-май күнү эртең менен Каралаев көчөсүндө болгон. 9-кабаттын терезесинен кулаган өспүрүм көп узабай көз жумган. Ал 2008-жылы туулган Н.И. экени такталган.

Тиешелүү экспертизалар дайындалып, кырсыктын чоо-жайын тактоо иштери жүрүп жатат.