Жогорку сот кримтөбөл Азиз Батукаевдин бир тууганы Яха Батукаеванын апелляциялык арызын канааттандыруусуз калтырды. Бул тууралуу Жогорку соттун басма сөз кызматы кабарлашты.
Маалыматка ылайык, соттун чечими бүгүн, 11-майда кабыл алынган.
Батукаева кылмыш ишин жаңы ачылган жагдайлар боюнча кайра кароону өтүнүп, Жогорку сотко арыз жазган.
54 жаштагы Яха Батукаева 2016-жылы Челябинскиде эки өнөктөшү менен чогуу 30 килограмм баңгизатын сатууга айыпталып, 17 жылга соттолгон. Кийинчерээк Кыргызстанга экстрадицияланып, Степное айылындагы аялдар абагына камалган.
