Кыргызстандык балбан Жоламан Шаршенбеков Монголиядагы грек-рим күрөшү боюнча Азия чемпионатынын финалына чыкты.
Шаршенбеков 60 кг салмакта мелдештин чейрек финалында монголиялык Балжинням Тсевенравданды 8:0 эсебинде күрөштүн биринчи бөлүгүндө эле жеңип алды.
Ал эми жарым финалда казакстандык Ернур Фидахметовго каршы килемге чыкты. Шаршенбеков 6:1 менен Фидахметовду утуп алды.
Финалда Жоламан Шаршенбеков ирандык Мехри Мохсенге каршы чыгат.
