Айыл чарба министрлиги “Айыл чарбасын каржылоо-10” долбоорунун алкагында дыйкандарга 1 миллиард 300 миллион сомдук 2 миңден ашык насыя берди. Бул тууралуу аталган министрликтен билдиришти.
Насыянын көбү мал чарбачылыгына берилген – 1 миң 881 насыя 971 миллион 549 миң сомго. Өсүмдүк өстүрүү үчүн 337 миллион сомго 801 кредит берилген. “Айыл чарба продукциясын кайра иштетүү” категориясы боюнча дыйкандар 41 миллион 660 сомго 25 насыя алышкан.
