Билим берүү мекемелеринде коронавирус инфекциясын жуктуруп алгандар аныкталды.
Бул тууралуу Бишкек мэриясынын басма сөз кызматы кабарлады.
Маалыматка ылайык, Билим берүү мекемелеринде коронавирус инфекциясынын учурлары аныкталган, ошондуктан Бишкек шаарынын мамлекеттик санитардык-эпидемиологиялык көзөмөлдөө борборунун буйругуна ылайык, 13 мектеп онлайн окутууга өткөрүлдү.
Алар: №26, №88, №62, No 60, № 73, № 12, № 4, № 38, № 67, № 11, № 29, № 18, № 6 мектептер. Жана ошондой эле № 135 мектепке чейинки билим берүү мекемеси жабылса, ал эми № 144 мектепке чейинки билим берүү мекемесинде тайпа жабылат.
Соңку бир күн ичинде Кыргызстанда коронавирус дагы 820 адамдан аныкталып, үч киши каза болду. Ооругандардын басымдуу бөлүгү Бишкек шаарынын тургундары.
